ആല്‍മരങ്ങള്‍ തണല്‍ വിരിച്ച ഒറ്റയടിപ്പാതയിലൂടെ
ഏകാകിയായി നടന്നു നീങ്ങവേ
കാറ്റിലുലയുന്ന ഇലകള്‍ ചൊല്ലിയ
കിന്നാരങ്ങളൊന്നും കാതിലെത്തിയില്ലാ ...
പിന്നിട്ട വഴിയിലെ അസഹനീയമാം
ശബ്ദകോലാഹലങ്ങള്‍ അക്കഴിവെനിക്കന്യമാക്കിയിരുന്നു
ഇടയില്‍ ഞെരിഞ്ഞമാര്‍ന്ന
രോദനങ്ങളൊന്നുമതിനാല്‍ ശല്യമേതുമായില്ല ....
ആര്‍പ്പുവിളികള്‍ക്കൊടുവില്‍
ഹാരാര്‍പ്പണങ്ങള്‍ക്കൊടുവില്‍ വാക്കുകളാല്‍
അണികളെ അത്ഭുതലോകത്തേയ്ക്കുയര്‍ത്തിയതും
എല്ലാം കണ്ടു കണ്ണ് മഞ്ഞളിച്ചവര്‍
തലയില്‍ ചവുട്ടി നിന്നു താന്ഡവമാടിയതും
താഴെ വീണവരെ മെതിചൊതുക്കി
കൈയ്യൂക്കുള്ളവര്‍ ഉന്നതങ്ങളിലേയ്ക്ക് പോയതും....
ഭാരം താങ്ങാനാകാതെ , ശ്വാസം കഴിയ്ക്കാനാകാതെ
നിലവിളിച്ചതൊക്കെയും ബധിര കര്‍ണ്ണങ്ങളിലാണ്
പതിച്ചതെന്ന തിരിച്ചറിവും …
എന്നെയിന്നു പ്രേരിപ്പിക്കുന്നു … ഒരു തിരിഞ്ഞു നോട്ടത്തിന്നു ...
ഗൌളികള്‍ കൈവിട്ടതിനാല്‍ വീണിതില്ലൊരു മച്ചും
എലികള്‍ ഒഴിഞ്ഞിട്ടും തകര്‍ന്നതില്ലൊരു മലയും …
ശേഷം പ്രളയമെന്നോര്‍ത്തു നൌകകളെത്ര
പണിതു വച്ചു സ്വപ്നക്കോട്ടകളില്‍
പ്രളയത്തിന്നു പകരം തിരിച്ചറിവിന്‍
അഗ്നി ഒക്കെ വിഴുങ്ങിയതും ….
ഇന്നു , എല്ലാം വിട്ടെറിഞ്ഞു
ഈ രണഭൂവില്‍ നിന്നു
ചരിത്രത്താളുകളിലേയ്ക്ക് മടക്ക യാത്ര …
അവസാനിക്കാത്ത യാത്ര …
തുടക്കവും ഒടുക്കവുമില്ലാത്ത യാത്ര …
എന്നെക്കുറിച്ച് ഞാനെന്തെങ്കിലും പറഞ്ഞാല്‍ അത് കുറഞ്ഞു പോയാലോ ? (കുറഞ്ഞു പോയില്ലേ ? താഴെ നോക്കൂ ..
- സനില് എസ് .കെ
- സനില് ഷംസുദീന് . കെ എന്ന സനില് എസ് . കെ ... ( എനിക്ക് മാത്രമെ ഇങ്ങനെ ഒരു പേരുള്ളൂ എന്നൊരഹങ്കാരം ഇല്ലെന്നു പറയില്ല ... അല്ല , സംശയമാണ് ട്ടോ ) ഒത്തിരി വട്ടുകള് ഉണ്ട് , മഴ നോക്കി നില്ക്കുക , കാനന സൌന്ദര്യം (ഞാന് ആദിവാസിയോന്നുമല്ല ട്ടോ ), അരുവികള് , വയല് , പരല് മീനുകള് , പൂക്കള് , പശുക്കള് , ആട് , ഇതൊക്കെ ഒത്തിരി ഇഷ്ടാണ് . പ്രണയത്തെക്കുറിച്ച് വാചാലനാകുക , മനസ്സു തുറക്കാന് മടിയാണ് , എഴുതുന്നത് വീണ്ടും വായിച്ചാല് കീറിക്കളയുക , അതല്ലെങ്കില് പെട്ടിയിലാക്കുക ... മര്യാദകേടുകള് കണ്ടാല് ദേഷ്യം വരിക , വാക്കിലും പ്രവൃത്തിയിലും ഒക്കെ സത്യം വേണമെന്ന വാശി , അങ്ങനെ കുറെയെണ്ണം . ജനനം മുണ്ടക്കയം പിന്നീട് പുനലൂര് , അഞ്ചല് വഴി വര്ക്കല എത്തിച്ചേര്ന്നു ... അതോടെ നാടുതെണ്ടല് തീര്ന്നു .
1 comment:
mashinu nadinodulla sneham kanumpol njanum epol nadine eshatapettu pokunnu
Post a Comment