കൃഷ്ണതുളസി ക്കതിരൊന്നു
കാത്തു വച്ചു നിനക്കായ് …
എന്തേ കണ്ണാ നീ വന്നീലാ … ?
കണിക്കൊന്ന പൂക്കളിറുത്തു
കാത്തിരുന്നു ഞാന്
എന്തേ വന്നീലാ നീ …?
ചുണ്ടിലൂറിയ ഗാനമൊന്നു
പാടാതെ കാത്തു ഞാന്
നീയെന്നരികിലണയും നേരം
എന് ഹൃദയ താളമായി
നിന്നിലര്പ്പിക്കാന്.
ഗോപികമാര് വിടാത്തതിനാലോ ?
വെണ്ണപ്പാത്രം ആരുമറിയാതെ
തുറക്കാന് കാത്തതിനാലോ ?
രാധ തന് പ്രേമാമൃതത്തില്
മയങ്ങിയതിനാലോ … ?
എന്തേ നീ വന്നീല കണ്ണാ …
നിനക്കേറെ പ്രിയങ്കരമാം അവില്
എന് പ്രേമ മധുരം ചേര്ത്തു
പാകപ്പെടുത്തി വച്ചിരുന്നു കണ്ണാ …
എന്നുമിതൊക്കെയിവിടെ,
നിനക്കായ് … വരിക …
ഗോപികമാര് മയങ്ങും
നേരമെങ്കിലുമെന്നരികില് …
ഒരു മാത്ര വരികയെന് കണ്ണാ …
Tuesday 26 August, 2008
Subscribe to:
Post Comments (Atom)
No comments:
Post a Comment